☰
آسٹریلیا میں بھارت کی تاریخی کامیابی کے 4 بنیادی عناصر
یہ 1967ء کے آخری ایام ہیں اور میلبورن کرکٹ گراؤنڈ (ایم سی جی) کے تاریخی میدان میں میزبان آسٹریلیا کا مقابلہ بھارت سے ہے۔ بھارت کی 5 وکٹیں صرف 25 رنز پر گرچکی ہیں اور ایک بلے باز زخمی بھی ہوچکا ہے۔
اس صورتحال میں میدان میں آتے ہیں کپتان منصور علی خان پٹودی، جو خود بھی ران کے پٹھے میں تکلیف سے دوچار ہیں۔ پھر انہوں نے 228 منٹ تک آسٹریلیا کی طوفانی باؤلنگ کا سامنا کیا، ’ایک ٹانگ اور ایک آنکھ‘ سے۔ آپ کو معلوم ہوگا کہ منصور علی خان کی ایک آنکھ پتھر کی تھی کیونکہ نوجوانی میں ایک حادثے میں ان کی دائیں آنکھ ضائع ہوگئی تھی۔ لیکن یہ یادگار اننگز بھی بھارت کو میچ میں اننگز کی بھاری شکست سے نہ بچا سکی، میچ تو ایک طرف بھارت کو دورے میں چاروں ٹیسٹ میچز میں ناکامی کا منہ دیکھنا پڑا۔