☰
کمبھ میلے میں مخنث سادھو کی سربراہی میں عبادات
ہندو مذہب کے اہم ترین اور مقدس ترین مذہبی میلوں میں شمار ہونے والے سب سے بڑے میلے ’کمبھ میلے‘ کی رسومات میں پہلی بار مخنث سادھوؤں کی سربراہی میں لوگوں نے عبادات کیں۔
خیال رہے کہ کمبھ میلہ ہر چند سالوں بعد ہندوؤں کے لیے مقدس اہمیت رکھنے والے دریائے گنگا کنارے آباد 4 مختلف شہروں میں منعقد ہوتا ہے۔
اسے ہندوؤں کے سب سے بڑے میلے کا اعزاز بھی حاصل ہے، جب کہ اسے دنیا کے چند بڑے میلوں میں بھی شمار کیا جاتا ہے۔
اس میلے میں ہندو افراد 13 مختلف تنظیموں یا قافلوں کی صورت میں شرکت کرتے ہیں، تاہم اگر کوئی ان تنظیموں کے علاوہ بھی اس مذہبی میلے میں شرکت کرنا چاہے تو اسے نہیں روکا جاتا۔