☰
دنیا کے سب سے کم وزن بچے کو 7 ماہ بعد گھر جانے کی اجازت
دنیا کا سب سے کم وزن زندہ بچ جانے والے بچے کو 7 ماہ بعد آخرکار ہسپتال سے گھر جانے کی اجازت دے دی گئی۔
جاپان کے دارالحکومت ٹوکیو کے کائیو یونیورسٹی ہاسپٹل میں اس بچے کی پیدائش گزشتہ سال اگست میں ہوئی تھی اور اس کا وزن محض 268 گرام تھا۔
ڈاکٹروں کے مطابق اس بچے کی پیدائش ایمرجنسی آپریشن سے اس وقت ہوئی جب حاملہ خاتون کے 24 ویں ہفتے میں اسکین سے علم ہوا کہ بچے کی نشوونما نہیں ہورہی اور اس کی زندگی خطرے میں ہے۔
اس بچے کا قد اتنا کم تھا کہ وہ ڈاکٹروں کے ہاتھوں میں فٹ آجاتا اور پیدائش کے بعد اسے انتہائی نگہداشت وارڈ میں رکھا گیا جہاں اس کا وزن 3.2 کلوگرام تک بڑھ گیا۔
جاپانی ویب سائٹ کیوڈو نیوز کے مطابق 7 ماہ بعد گزشتہ ہفتے اس بچے کو گھر جانے کی اجازت مل گئی۔