47 سالہ اداکارہ کے بارے میں میگزین کا کہنا تھا کہ ان کا انتخاب اس لیے کیا گیا کیونکہ وہ کیرئیر اور اپنے فلاحی کاموں کے درمیان توازن برقرار رکھنے کے ساتھ 3 بچوں کی پرورش بھی کررہی ہیں۔

اداکارہ ایک بے بی فوڈ کمپنی کی شریک بانی اور سیو دی چلڈرن کی سفیر بھی ہیں۔

میگزین سے بات کرتے ہوئے اداکارہ نے کہا 'جوانی میں وہ خود کو پرکشش تصور نہیں کرتی تھیں، میں خوبصورت لڑکیوں میں سے نہیں تھی، اور اس خیال نے مجھے ذہنی طور پر مضبوط کیا'۔

اداکارہ نے ہولی وڈ اسٹار بین ایفلک سے شادی کی تھی مگر دونوں کی طلاق ہوگئی اور اب وہ دونوں 3 بچوں کی پرورش کررہے ہیں۔

انہوں نے دلچسپ انکشاف کیا کہ جب وہ کسی فوٹو شوٹ کے بعد گھر آتی ہیں تو بچے ان کے میک اپ پر اعتراض کرتے ہیں۔

ویسے گزشتہ سال پیپل میگزین نے خوبصورت ترین کے اعزاز کو بیوٹی فل ایشو میں بدلتے ہوئے کہا تھا کہ اس کا مقصد کسی سے مقابلہ کرنا نہیں ہے۔

گزشتہ سال گلوکارہ پنک اور ان کے بچے میگزین کور کا حصہ بنے تھے۔

اس سے قبل 2017 میں جولیا رابرٹس کو یہ اعزاز دیا گیا تھا اور وہ 5 ویں بار دنیا کی خوبصورت ترین خاتون قرار پائی تھیں۔