گزشتہ سال ایک انسٹاگرام پوسٹ میں معروف اداکار اور ڈی جے محسن عباس حیدر نے انکشاف کیا تھا کہ وہ وہ ڈپریشن جیسے مرض میں مبتلا ہیں اور یہ مرض انہیں بہت جلد ان کی جان لے لے گا۔
تاہم بعد ازاں اس پوسٹ کو انہوں ڈیلیٹ کردیا اور بعد میں ایک ویڈیو میں انہوں نے کہا تھا کہ ڈپریشن کے بارے میں بات کرنے پر وہ بہتر محسوس کررہے ہیں 'میں آپ سب کے پیغامات، محبت، تعاون اور تشویش کے لیے شکرگزار ہوں جو آپ میرے ڈپریشن کے حوالے سے ظاہر کیا۔ ہم سب اس طرح کے مراحل سے گزرتے ہیں، ہم سب ہی کسی طرح اپنی زندگیوں اس سے دوچار ہوتے ہیں، کئی بار ہم اس پر بات کرتے ہیں، میں نے بھی ایسا کیا اور اس سے مجھے بہت زیادہ مدد ملی'۔