علی عظمت کا بائیک پر 22 روز میں یورپ گھومنے کا اعلان
کیا آپ کو یاد ہے کہ پاکستانی راک اسٹار علی عظمت نے موٹر بائیک چین کا دورہ کیا تھا؟
اور اب علی عظمت اس سے زیادہ بڑا منصوبہ بنا رہے ہیں۔
گلوکار نے اپنے فیس بک پیج پر اعلان کیا کہ وہ یورپ جارہے ہیں کہاں وہ 12 ہزار کلومیٹر کا راستہ 22 دنوں میں بائیک پر طے کریں گے۔
ان کا کہنا تھا کہ 'اس سفر کا آغاز برطانوی شہر لندن سے ہوگا، جس کے بعد فرانس کی روانگی ہوگی'۔
علی عظمت نے اپنی ویڈیو میں یہ تو نہیں بتایا کہ وہ اس سفر کا آغاز کب کریں گے التبہ یہ بات ضرور سامنے آگئی کہ وہ 2 اگست تک فرانس پہنچنے کا ارادہ کررہے ہیں۔
گلوکار لندن سے سفر کا آغاز کرنے کے بعد فرانس، جرمنی، نوروے، ڈینمارک، سوڈان، چیک اور کئی ممالک کا دورہ کرنے کے بعد واپس لندن آئیں گے۔
اس سفر میں ایسے کئی مواقع بھی آئیں گے جب علی عظمت بائیک سے سفر نہیں کرسکیں گے جیسے برطانیہ سے فرانس جانا، تو اس دوران وہ ٹرین سے سفر کریں گے۔