پاکستان ٹیلی کمیونیکشن اتھارٹی (پی ٹی اے) نے کہا ہے کہ پاکستان میں گزشتہ ہفتے سے انٹرنیٹ کے استعمال میں تقریباً 15 فیصد اضافہ ہوا ہے۔

پی ٹی اے نے ٹوئٹر پر کہا کہ یہ اعدادوشمار ٹیلی کام آپریٹرز سے جمع کی گئی معلومات پر مبنی ہے۔

بیان میں کہا گیا کہ تعلیمی اداروں اور کاروباری اداروں کی آن لائن سرگرمیوں میں اضافہ اور افراد اور تنظیموں کی 'گھر سے کام' کی پالیسی کی وجہ سے یہ اضافہ دیکھنے میں آیا۔