آزاد کشمیر کے وزیراعظم راجا فاروق حیدر نے کووڈ-19 کے مریضوں کا علاج کرنے کے باعث جاں بحق ہونے والے ڈاکٹر اسامہ ریاض کے لیے آزاد کشمیر کے اعلیٰ ترین سرکاری اعزاز ' نشانِ کشمیر' کا اعلان کیا ہے۔

کورونا وائرس کی صورتحال سے متعلق اجلاس کی صدارت کرتے ہوئے انہوں نے کہا کہ ٖڈاکٹر اسامہ شہید نے بہادری اور ہمت کی ایک مثال قائم کی ہے اور وہ نہ صرف اپنی کمیونٹی اور ملک بلکہ پوری انسانیت کا فخر ہیں۔