ضلع گجرات میں مقامی صحت حکام کی جانب سے صرف کورونا وائرس کے ٹیسٹ کے منفی نتائج والے قصائیوں کو قربانی کی اجازت دینے کے فیصلے کے بعد عیدالاضحیٰ سے قبل قصائیوں کا کورونا وائرس کا ٹیسٹ کیا جائے گا۔

ڈان اخبار کی رپورٹ کے مطابق لوگوں کو صرف کورونا وائرس کے منفی نتائج کا سرٹیفکیٹ دکھانے والے قصائیوں کو جانوروں کو ذبح کرنے کی اجازت دینے کا کہا جاسکتا ہے۔

ڈسٹرکٹ ہیلتھ اتھارٹی (ڈی ایچ اے) کے چیف ایگزیکٹو افسر نے ڈان کو بتایا کہ محکمہ صحت نے 11 ٹیسٹنگ کیمپس لگانے کا فیصلہ کیا ہے جن میں سے 5 گجرات تحصیل، 4 کھاریاں اور 2 سرائے عالمگیر لگائے جائیں گے۔