گلگت بلتستان میں رواں ہفتے اسکولوں کے 37 اساتذہ میں کورونا وائرس کی تصدیق ہوئی ہے۔

کورونا سے متعلق گلگت بلتستان کے فوکل پرسن ڈاکٹر شاہ زمان کے مطابق گزشتہ تین دنوں میں 794 ٹیسٹ ہوئے اور مجموعی طور پر 37 اساتذہ کی رپورٹ مثبت آئی ہیں۔

انہوں نے کہا کہ کورونا کے شکار اساتذہ کی اکثریت کا تعلق سرکاری اسکولوں سے ہے۔

ان کا کہنا تھا کہ ملک میں کورونا مریضوں کی شرح 2 فیصد ہے لیکن گلگت بلتستان میں یہ شرح 5 سے 10 فیصد بڑھ گئی ہے جس کی وجہ سیاحتی سرگرمیاں اور محرم کے اجتماعات ہیں۔