اداکارہ اور ماڈل آمنہ الیاس نے کہا ہے کہ صبح جلد اٹھنا اور سبزیاں کھانا تعمیری صلاحیتوں کو جِلا بخشتا ہے۔

انسٹاگرام پر اپنے مداحوں سے سوال جواب کے سیشن کے دوران اداکارہ نے مختلف دلچسپ باتیں بتائیں۔

انسٹاگرام اسٹوری پر انہوں نے مداحوں سے کہا تھا کہ وہ ان سے کچھ بھی پوچھ لیں اور لوگوں نے ایسا کیا بھی۔

ایک مداح نے ساڑھی میں اداکارہ کی تصویر دیکھنے کی خواہش ظاہر کی تو آمنہ الیاس نے اسے پورا کیا۔

ایک نے صحت مند جلد کے حصول کے لیے مشورہ طلب کیا تو اداکارہ نے کہا ‘پانی پینا مت بھولیں’۔

ایک سوال مین بورڈ امتحانات کے منسوخ کرنے کے حوالے سے آمنہ الیاس کی رائے پوچھی گئی تو انہوں نے خوشی کا نعرہ لگانے والی تصویر کو پوسٹ کیا۔

ایک سوال کے جواب میں آمنہ الیاس نے لکھا کہ ‘حقیقت تو یہ ہے کہ 90 فیصد خواتین ایک دوسرے کو سپورٹ نہیں کرتیں’۔

جب ان سے پوچھا گیا کہ مقامی ٹی وی انڈسٹری کی کونسی چیز انہیں سب سے کم پسند ہے تو ان کا کہنا تھا ‘اوسط درجے کا کام’۔

ایک سوال کے جواب میں ایمن خان کو انہوں نے سپراسٹار قرار دیا۔

جب ان سے پوچھا گیا کہ تعمیری صلاحیتوں کو برقرار رکھنے کا راز کیا ہے تو ان کا جواب تھا صبح جلد اٹھنا، سبزیاں کھانا اور اولاد پانا۔

جہاں تک ان کے مشاغل کی بات تو ہے تو آج کل آمنہ الیاس کا ایک ہی مشغلہ ہے اور وہ ہے ٹی وی دیکھنا۔