ہر سال قدیم یونانی اور ریاضی کے ایک فارمولے کے تحت دنیا کی خوبصورت خواتین کی نشاندہی کرنے والے ماہر سرجن نے اس سال کی دنیا کی 10 خوبصورت خواتین کی فہرست جاری کردی، جس میں ایک بھی پاکستانی شامل نہیں۔

برطانیہ کے پلاسٹک سرجن ڈاکٹر جولیان ڈیسلوا کی جانب سے قدیم یونان اور مصر میں خواتین کی خوبصورتی کو پرکھنے کے فارمولے سمیت ریاضی کے حساب سے موجودہ دور کی 10 خوبصورت خواتین کا انتخاب کیا گیا۔

مذکورہ پلاسٹک سرجن ہر سال خوبصورت خواتین کی فہرست جاری کرتا ہے او ان کے مطابق بڑھتی عمر کے ساتھ ساتھ خواتین کے چہرے اور جسم کے خدوخال تبدیل ہوتے ہیں، اس لیے بعض اوقات اس سال خوبصورت رہنے والی خاتون اگلے ساتھ خوبصورت نہیں رہتی۔

پلاسٹک سرجن نے دنیا کی 10 خوبصورت خواتین کی فہرست جاری کرتے ہوئے ایک بھارتی خاتون کو بھی اس میں شامل کیا جو کہ اب تک اس فہرست میں جگہ بنانے والی پہلی بھارتی خاتون ہیں۔

برطانوی نشریاتی ادارے ’آئی ٹی وی‘ کے مطابق برطانوی پلاسٹک سرجن نے بولی وڈ اداکارہ دپیکا پڈوکون کو دنیا کی 10 خوبصورت خواتین کی فہرست میں نویں نمبر پر رکھا۔

10 - ہویون جنگ

جنوبی کوریا کی ماڈل ہویون جنگ دسویں نمبر پر رہیں۔

09 - دپیکا پڈوکون

بولی وڈ اداکارہ نویں نمبر پر رہیں اور وہ اس فہرست میں شامل واحد بھارتی خاتون ہیں۔

08 - کم کارڈیشین

امریکی ٹی وی اسٹار و ماڈل کم کارڈیشین دنیا کی آٹھویں خوبصورت خاتون قرار پائیں۔

07 - جارڈن دن

برطانوی ماڈل جارڈن دن فہرست میں ساتویں نمبر پر رہیں۔

06 - ٹیلر سوئفٹ

امریکی گلوکارہ و اداکارہ ٹیلر سوئفٹ چھٹی خوبصورت خاتون قرار پائیں۔

05 - آریانا گرانڈے

امریکی گلوکارہ فہرست میں پانچویں نمبر پر رہیں۔

04 - بیونسے

گلوکارہ بیونسے دنیا کی چوتھی خوبصورت ترین خاتون قرار پائیں۔

03 - بیلا حدید

فلسطینی نژاد امریکی سپر ماڈل بیلا حدید تیسرے نمبر پر رہیں۔

02 - زنڈایا

ایوارڈ یافتہ ہولی وڈ اداکارہ زنڈایا دوسری خوبصورت ترین خاتون قرار پائیں۔

01 - جوڈی کارمر

برطانوی اداکارہ جوڈی کارمر دنیا کی خوبصورت ترین خاتون قرار پائیں۔