Live Ghaza Conflict
اسرائیل فلسطینیوں کی نسل کشی کر رہا ہے، دفتر خارجہ
غزہ میں 6ہزار 700 شہریوں کی شہادت ہوچکی، 2000 سے زائد معصوم بچے شہید ہوچکے، پاکستان، غزہ میں اسرائیلی بمباری کی مذمت کرتا ہے، ترجمان
ترجمان دفتر خارجہ ممتاز زہرہ بلوچ نے کہا ہے کہ پاکستان غزہ میں اسرائیلی بمباری کی مذمت کرتا ہے۔
اسلام آباد میں ہفتہ وار میڈیا بریفنگ کے دوران انہوں نے کہا کہ فلسطین میں صورتحال تشویش ہے، اب تک غزہ میں 6 ہزار 700 شہریوں کی شہادت ہوچکی ہے، دو ہزار سے زائد معصوم بچے شہید ہوچکے ہیں، پاکستان پرامید ہے کہ آج جنرل اسمبلی کے خصوصی اجلاس میں جنگ بندی پر پیش رفت ہوگی۔
ترجمان دفتر خارجہ نے کہا کہ اسرائیل فلسطینیوں کی نسل کشی کررہا ہے، محاصرے کے باعث غزہ کے شہریوں کے لیے خوراک، پانی اور ادویات کی شدید قلت ہے، پاکستان غزہ میں اسرائیلی بمباری کی مذمت کرتا ہے۔