Live latest Urdu news from Pakistan in Sports, Life Style & Business - Dawn News Urdu

خیبرپختونخوا کے مختلف اضلاع میں امیدواران کی ضابطہ اخلاق کی خلاف ورزیوں پر مانیٹرنگ افسران کی کارروائیوں کے اعداد و شمار جاری ہوگئے ہیں۔

ڈان نیوز کے مطابق اعداد و شمار میں بتایا گیا ہے کہ صوبے بھر میں مجموعی طور پر 38 لاکھ 8 ہزار روپے جرمانے عائد کیے گئے جبکہ پشاور ڈویژن میں مجموعی طور پر 8 لاکھ 50 ہزار روپے کے جرمانے عائد کیے گئے ہیں۔

اعداد و شمار میں مزید کہا گیا ہے کہ ملاکنڈ ڈویژن میں 7 لاکھ 85 ہزار روپے، ہزارہ ڈویژن میں 3 لاکھ 69 ہزار روپے جرمانے اور مردان ڈویژن میں 2لاکھ 55 ہزار روپے جرمانے عائد کئے گئے ہیں۔

اس کے علاوہ کوہاٹ ڈویژن میں 8 لاکھ 44 ہزار روپے جرمانے لگائے گئے، بنوں ڈویژن میں 3 لاکھ 5 ہزار روپے اور ڈی آئ خان ڈویژن میں 4 لاکھ روپے جرمانے عائد کیے گئے ہیں۔