کوئٹہ: ڈپٹی سپرنٹنڈنٹ ڈسٹرکٹ جیل قاتلانہ حملے میں جاں بحق
ڈپٹی سپرنٹنڈنٹ ڈسٹرکٹ جیل قاسم رئیسانی اپنی گاڑی میں جیل جارہے تھے، نامعلوم افراد کی جانب سے ان کی گاڑی پر فائرنگ کی گئی۔
کوئٹہ میں ڈپٹی سپرنٹنڈنٹ ڈسٹرکٹ جیل قاسم رئیسانی قاتلانہ حملے میں جاں بحق ہوگئے۔
ڈان نیوز کے مطابق ڈپٹی سپرنٹنڈنٹ ڈسٹرکٹ جیل قاسم رئیسانی اپنی گاڑی میں جیل جارہے تھے، اس دوران نامعلوم افراد کی جانب سے ان کی گاڑی پر فائرنگ کی گئی۔
فائرنگ کا واقعہ کوئٹہ میں جیل روڈ پر پیش آیا، فائرنگ کے نتیجے میں قاسم رئیسانی موقع پر ہی دم توڑ گئے۔