چیئرمین سینیٹ سید یوسف رضا گیلانی نے پوپ لیو کی حلف برداری کی تقریب میں شرکت کو بین المذاہب ہم آہنگی اور خیرسگالی کی علامت قرار دیا ہے۔

چیئرمین سینیٹ سید یوسف رضا گیلانی نے روم کے شہر ویٹی کن میں پوپ لیو XIV کی حلف برداری کی تقریب میں شرکت کرکے پاکستان کی نمائندگی کی۔

چیئرمین سینیٹ یوسف رضا گیلانی نے حکومت اور پاکستانی عوام کی نیک تمنائیں پوپ لیو XIV کو پہنچائیں۔

چیئرمین سینیٹ نے کہا کہ بین المذاہب مکالمے، امن اور باہمی احترام پاکستان کی پالیسی کا اہم جزو ہے، قائداعظم کے وژن کے مطابق پاکستان میں تمام مذاہب کو آزادی اور وقار سے جینے کا حق حاصل ہے۔

مزید کے لیے کلک کریں

چیئرمین سینیٹ نے کہا کہ پاکستان کا عالمی سطح پر امن، ہم آہنگی اور بین المذاہب احترام کا مثبت پیغام ہے۔

پوپ لیو کی حلف برداری تقریب میں دنیا بھر کے سربراہان مملکت اور عالمی رہنماؤں نے شرکت کی۔