سعودی ولی عہد محمد بن سلمان کا حج پر آئی مسلم شخصیات کے اعزاز میں ظہرانہ
اسپیکر قومی اسمبلی ایاز صادق،گورنر سندھ کامران ٹیسوری، وزیر مذہبی امور سردار محمد یوسف اور چیئرمین پاکستان علما کونسل طاہر اشرفی کی شرکت
سعودی عرب کے ولی عہد محمد بن سلمان نے دنیا بھر سے حج بیت اللہ کے لیے آئی ہوئی حکومتی شخصیات کے اعزاز میں ظہرانہ دیا۔
ڈان نیوز کے مطابق سعودی ولی عہد محمد بن سلمان کی جانب سے دیے گئے ظہرانے میں پاکستان سے اسپیکر قومی اسمبلی ایاز صادق، چیئرمین پاکستان علما کونسل حافظ محمد طاہر محمود اشرفی، گورنر سندھ کامران ٹیسوری اور وزیر مذہبی امور سردار محمد یوسف نے شرکت کی۔
اس موقع پر محمد بن سلمان نے عالم اسلام کے مسائل کے حل کے لیے وحدت اور اتحاد سے کام کرنے کے عزم کا اظہار کیا، ظہرانے سے مفتی اعظم فلسطین اور وزیر اوقاف شام نے بھی خطاب کیا ۔