انڈونیشیا میں 6.0 شدت کا زلزلہ، درجنوں افراد زخمی، 2 کی حالت تشویشناک
زلزلہ 10 کلومیٹر گہرائی میں آیا اور پوزو ریجنسی کو ہلا گیا جبکہ قریبی علاقوں میں بھی اس کے جھٹکے محسوس کیے گئے، 29 افرراد زخمی ہوئے ڈیزاسٹر مینجمنٹ اتھارٹی
انڈونیشیا کے وسطی صوبے سولاویسی میں اتوار کی صبح 6.0 شدت کے زلزلے کے باعث درجنوں افراد زخمی ہوگئے۔
خبر رساں ادارے رائٹرز کے مطابق ملک کی ڈیزاسٹر مینجمنٹ ایجنسی نے بتایا ہے کہ یہ زلزلہ 10 کلومیٹر گہرائی میں آیا اور پوزو ریجنسی کو ہلا گیا جبکہ قریبی علاقوں میں بھی اس کے جھٹکے محسوس کیے گئے، ایجنسی کے مطابق 29 افراد زخمی ہوئے جن میں سے دو کی حالت تشویشناک ہے۔
ایجنسی نے مزید کہا کہ فوری طور پر کسی ہلاکت کی اطلاع موصول نہیں ہوئی۔
انڈونیشیا ’پیسفک رنگ آف فائر‘ پر واقع ہے، جو ایک انتہائی زلزلہ خیز خطہ ہے جہاں زمین کی مختلف پلیٹیں ملتی ہیں اور بڑی تعداد میں زلزلے آتے ہیں۔