شہباز شریف ایس سی او اجلاس میں شرکت کے بعد بیجنگ پہنچ گئے
بیجنگ کے جنوبی ریلوے اسٹیشن پر نیشنل پیپلز کانگریس کی اسٹینڈنگ کمیٹی کی رکن وینگ ہانگ نے وزیراعظم کا استقبال کیا۔
وزیراعظم محمد شہباز شریف شنگھائی تعاون تنظیم (ایس سی او) کے سربراہان مملکت کونسل کے 25 ویں اجلاس میں شرکت کے بعد تیانجن سے بذریعہ بلٹ ٹرین بیجنگ پہنچ گئے۔
سرکاری ریڈیو پاکستان کی رپورٹ کے مطابق بیجنگ کے جنوبی ریلوے اسٹیشن پر نیشنل پیپلز کانگریس کی اسٹینڈنگ کمیٹی کی رکن وینگ ہانگ نے وزیراعظم کا استقبال کیا۔
نائب وزیراعظم و وزیر خارجہ اسحٰق ڈار، وفاقی وزیر منصوبہ بندی احسن اقبال، وفاقی وزیر اطلاعات و نشریات عطا اللہ تارڑ، معاون خصوصی طارق فاطمی بھی وزیر اعظم کے ساتھ ہیں۔
بیجنگ میں اپنے قیام کے دوران وزیراعظم عالمی فاشزم کے خلاف جنگ کی 80ویں سالگرہ کی تقریب میں شریک ہوں گے۔
وزیر اعظم کی چینی صدر شی جن پنگ، چینی وزیر اعظم اور دیگر عالمی رہنماؤں سے ملاقاتیں متوقع ہیں۔
علاوہ ازیں، وزیر اعظم چین-پاکستان بزنس تو بزنس کانفرنس میں خطاب کریں گے۔