تہران: ایران نے پاکستانی سرحد کے قریب بارڈر گارڈز پر حملے کے ردعمل کے طور 16 'باغیوں' کو پھانسی دے دی ہے۔
فارس نیوز ایجنسی نے سستان بلوچستان کے اٹارنی جنرل کے حوالے سے بتایا 'سراوان کے قریب بارڈر گارڈز کی ہلاکت کے ردعمل میں ریاست مخالف 16 باغیوں کو پھانسی دے دی گئی ہے۔'
اس سے قبل ایران کی سرکاری نیوز ایجنسی کا کہنا تھا کہ سرحد کے قریب جھڑپوں کے نتیجے میں 14 بارڈر گارڈز ہلاک ہوگئے ہیں۔
حکام کے مطابق جھڑپیں پاکستان کی سرحد کے قریب سراوان کے علاقے میں پیش آئیں۔ آئی آر این اے کے مطابق واقعے دیگر پانچ گارڈ زخمی بھی ہوئے۔
سراوان کا علاقہ پاکستان کی سرحد کے قریب جنوب مشرقی صوبے سستان بلوچستان کے قریب واقعے ہے جہاں شیعہ اکثریتی ایران کے برعکس سنی آبادی مقیم ہے۔
