واشنگٹن: امریکہ نے حقانی نیٹ ورک پر پابندی کا باضابطہ اعلان کرتے ہوئے دستاویزات بھی جاری کردیں۔

اوبامہ انتظامیہ کی جانب سے حقانی نیٹ ورک پر پابندی کے باضابطہ اعلان کے بعد جاری دستاویزات میں اس تنظیم کے اراکین کی جائیداد اور اکاؤنٹس بھی منجمد کرنے کا حکم جاری کیا گیا ہے۔

خیال رہے کہ امریکہ میں حقانی نیٹ ورک سے کسی بھی قسم کے لین دین یا کاروبار پر بھی پابندی ہوگی۔

حقانی نیٹ ورک پر افغانستان میں اتحادی فوجوں، فوجی اڈوں اور سفارتخانوں پر حملوں اور دہشتگردی کے الزامات ہیں۔