کراچی: پاکستان پیپلز پارٹی (پی پی پی) کے چیئرمین بلاول بھٹو زرداری نے سانحہ پشاور کے چوتھے روز واقعہ کی مذمت کردی۔

پشاور میں منگل کے روز پیش آنے والے واقعے کے نتیجے میں 132 بچوں سمیت کم از کم 148 افراد ہلاک ہوچکے ہیں۔

واقعے کی ذمہ داری کالعدم تحریک طالبان پاکستان نے قبول کی تھی۔

اپنے ٹوئٹر اکاؤنٹ پر ان کا کہنا تھا کہ طالبان کی جانب سے پشاور میں بچوں پر اس خوفناک حملے کے بعد سے وہ غم میں ڈوبے ہوئے تھے۔

ان کا مزید کہنا تھا کہ بحیثیت ایک قوم ہمیں متحد ہونا ہوگا اور ان شدت پسندوں کو انصاف کے کٹہرے میں لانا ہوگا۔