القاعدہ کراچی کے امیر کی ہلاکت کا دعویٰ
کراچی : سندھ کے دارالحکومت کراچی میں سی آئی ڈی کی کارروائی میں القاعدہ کراچی کے امیر سمیت 4 مبینہ دہشت گرد ہلاک کر دیئے گئے۔
قیوم آباد میں پولیس مقابلے کے دوران القاعدہ برصغیر ونگ کے کراچی کا امیرسجاد عرف کارگل 3 ساتھیوں سمیت ہلاک ہو گیا۔
 |
| راجہ عمر خطاب |
دہشت گردوں کے خلاف کارروائی سی آئی ڈی انسداد انتہا پسندی سیل نے خفیہ اطلاع ملنے پرکی جس کی سربرائی راجہ عمر خطاب کر رہے تھے۔
راجہ عمر خطاب کا دعویٰ تھا کہ تھا کہ مارے گئے ملزمان حساس ادارے کی گاڑی پر حملے کی منصوبہ بندی کر رہے تھے۔
انہوں نے بتایا کہ ہلاک ہونے والے دہشت گردوں کے پاس سے خودکش جیکٹس، ایس ایم جی رائفل و دیگراسلحہ برآمد ہوا ہے ۔
راجہ عمر خطاب کا کہنا تھا کہ مرنے والے دیگر تین دہشت گردوں کی شناخت ہاشم، عرفان اور شمیم عرف کمانڈو کے نام سے ہوئی۔
لیاری میں گینگ وار گروپ کے کارندے ہلاک
لیاری کے علاقے بغدادی میں پولیس اور گینگ وار ملزمان کے درمیان فائرنگ کے تبادلے میں ایک گروپ کے دو کارندے ہلاک ہوئے جبکہ پانچ پولیس اہلکار بھی زخمی ہو گئے۔
ایس ایس پی جاوید جسکانی کے مطابق ہلاک ملزمان کا تعلق گینگ وار گروپ سے تھا۔
جاوید جسکانی کا کہنا رتھا کہ ہلاک ہونے والے ملزمان کی شناخت عابداور رمضان کے نام سے ہوئی۔
ان کا دعویٰ تھا کہ ملزمان 10سے زائد افراد کے قتل سمیت دیگر جرائم میں ملوث تھے، ملزمان کے قبضے سے بھاری تعداد میں اسلحہ بر آمد کیا گیا ہے۔
لائیو ٹی وی
تبصرے (1) بند ہیں