بیٹ مین اور سپرمین پر بننے والی فلم ڈان آف جسٹس کا ٹریلر جاری کردیا جس کو شائقین کی جانب سے بے حد پسند کیا جارہا ہے۔

فلم کا ٹریلر ایک راوی کی آواز سے شروع ہوتا ہے جو یہ کہتا ہے کہ کیا یہ حیرت کی بات نہیں کہ دنیا کے سب سے طاقتور شخص متنازع ہوگیا ہے؟

اس فلم کے ٹریلر سے اب ہم یہ سوال اٹھا سکتے ہیں کہ آخر بیٹ مین اور سپر مین آپس میں کیوں لڑ رہے ہیں؟ لوگوں کا سپر مین سے بھروسہ اٹھ چکا ہے اور بیٹ مین اس کی جگہ لینے کے لیے تیار ہے۔

اس فلم میں بیٹ مین کا کردار بین ایفلک ادا کررہے ہیں جبکہ سپر پین کا کردار ہینری کیول کی جانب سے کیا جارہا ہے۔

اس فلم میں گول گیڈپ، ہولی ہنٹر، ایمی ایڈمز، لارینس فشبرن، اور ڈائنہ لین بھی اپنی اداکاری کے جلوے دکھائیں گی۔

فلم کی کہانی کرس ٹیریو نے لکھی ہے اور ہدایات زیک سنڈر نے دی ہیں، جبکہ یہ فلم 25 مارچ 2016 کو ریلیز کی جائے گی۔