سابق اسٹارز کا بش فائرکرکٹ بیش
آسٹریلیا کے جنگلات میں خطرناک آتش زدگی سے ہونے والے نقصانات اور متاثرین کی مدد کے لیے کرکٹ کے سابق اسٹارز اور عظیم کھلاڑیوں نے آسٹریلیا کے شہر میلبرن میں فنڈریزنگ میچ کھیلا جو رکی پونٹنگ الیون اور گلکرسٹ الیون کے درمیان ہوا۔
چیئریٹی میچ کو 10 اوورز تک محدود رکھا گیا تھا اور رکی پونٹنگ الیون نے پہلے بیٹنگ کرتے ہوئے 5 وکٹوں پر 104 رنز بنائے تھے جس میں برائن لارا نے جارحانہ بیٹنگ کی اور صرف 11 گیندوں پر 2 چھکوں اور 3 چوکوں کی مدد سے 30 رنز بنائے، پونٹنگ نے 26 اور میتھیو ہیڈن نے 16 رنز بنائے۔
گلکرسٹ الیون کو آخری اوور میں جیت کے لیے 17رنز درکار تھے لیکن 15 رنز بناسکے اور سنسنی خیز مقابلے کے بعد رکی پونٹنگ الیون نے میچ ایک رن سے جیت لیا۔
بش فائر کرکٹ بیش سے مجموعی طور پر 77 لاکھ ڈالر کی آمدنی ہوئی ہے جسے آسٹریلیا میں موسم گرما میں لگنے والی بدترین آگ سے متاثرہ علاقوں پر خرچ کیا جائے گا۔
تبصرے (0) بند ہیں