ایران میں اسلامی انقلاب کا 41 سالہ جشن
ایران میں اسلامی انقلاب کے 41 سال پورے ہونے پر شاندار جشن منایا گیا جس کی مرکزی تقریب میں صدر حسن روحانی نے عوام کو سلام پیش کیا۔
تہران میں شاندار ریلیوں کا اہتمام کیا گیا جس میں لاکھوں لوگوں نے شرکت کی اور مرکزی شاہراوں اور بازاروں میں سپریم لیڈر آیت اللہ خامنہ ای اور القدس فورس کے سابق سربراہ جنرل قاسم سلیمانی کے بڑے بڑے پوسٹرز آویزاں کیے گئے۔
1979 کے اسلامی انقلاب کی قیادت ایرانی رہنما آیت اللہ خمینی نے کی تھی اور انقلاب سے ایران میں محمد رضا شاہ پہلوی کی بادشاہت کا خاتمہ ہوا تھا۔
بعد ازاں اسلامی جمہوریہ ایران وجود میں آیا جس کے پہلے سپریم لیڈر آیت اللہ خمینی بنے۔
اسلامی انقلاب کی جشن کی تقریبات میں لوگوں نے کمانڈر جنرل قاسم سلیمانی سے عقیدت کا اظہار کیا اور امریکی صدر دونلڈ ٹرمپ اور برطانوی وزیر اعظم بورس جانس کے خلاف احتجاج بھی کیا۔
خیال رہے کہ 3 جنوری کو عراق کے دارالحکومت بغداد میں ایئرپورٹ کے نزدیک امریکی فضائی حملے میں پاسداران انقلاب کی قدس فورس کے سربراہ میجر جنرل قاسم سلیمانی ہلاک ہوگئے تھے۔
بعدازاں ایران کے سپریم لیڈر آیت اللہ خامنہ ای نے جنرل قاسم سلیمانی کی ہلاکت کے بعد ان کے نائب اسمٰعیل قاآنی کو پاسداران انقلاب کی قدس فورس کا سربراہ مقرر کردیا تھا۔
تبصرے (0) بند ہیں