منچسٹر سٹی انگلش لیگ کی فاتح
لیور پول نے نیو کاسٹل یونائیٹڈ کو 1-2 سے ہرا کر ٹائیٹل ریس میں دوسرا نمبر حاصل کیا۔
لندن: منچسٹر سٹی نے ویسٹ ہیم یونائیٹڈ کو 0-2 سے ہرا کر تین سالوں میں دوسری مرتبہ انگلش پریمئر لیگ ٹائیٹل اپنے نام کر لیا۔
اتوار کو لیگ کے آخری روز اپنے ہوم گراؤنڈ پر سمیر ناصر اور وینسنٹ کومپنی نے دونوں ہاف میں ایک ایک گول سکور کر کے ٹیم کویہ اعزاز دلایا۔
اس کامیابی کے بعد سٹی کے چلین مینیجر مینوئیل پلگرینی پہلے ایسے غیر یورپی بن گئے جنہوں نے کسی کلب کو انگلش ٹائیٹل دلایا۔
لیور پول نے اپنے گھر پر کھیلے گئے آخری میچ میں نیو کاسٹل یونائیٹڈ کو 1-2 سے ہرا کر ٹائیٹل ریس میں دوسرا نمبر حاصل کیا۔
ایک اور میچ میں ٹوٹینم ہاٹ سپر نے آسٹن ولا کو 0-3 سے ہرا دیا، جس کی وجہ سے منچسٹر یونائیٹڈ یورپا لیگ کوالیفائنگ میں آخری جگہ بنانے میں کامیاب رہی۔
آرسنل سے گھر پر 2-0ہارنے کے بعد ناروچ سٹی اگلے سال کے لیے ای پی ایل سے باہر ہو گئی۔