لاہور: پنجاب کے علاقے چناب نگر میں احمدی فرقے سے تعلق رکھنے والے ایک ڈاکٹر کو فائرنگ کرکے ہلاک کر دیا گیا۔

خبررساں ادارے اے ایف پی کے مطابق 50 سالہ ہارٹ سرجن مہدی علی پر اس وقت حملہ کیا گیا جب وہ چناب نگر میں واقع ایک قبرستان گئے۔

ڈاکٹر علی مہدی کچھ عرصہ قبل اپنے ہی بنائے گئے امراض قبل کے تحریر اسپتال کے دورے پر آئے ہوئے تھے۔

مقامی پولیس اہلکار احمد علی نے خبرایجنسی سے کو بتایا کہ ڈاکٹر مہدی علی کو موٹرسائیکل پر سوار دو افراد نے اس وقت فائرنگ کرکے ہلاک کیا جب وہ احمدی قبرستان کے باہر کھڑے تھے۔

مزید پڑھیں: پنجاب میں توہین مذہب کے الزام میں احمدی قتل

حملے کے وقت ڈاکٹر مہدی کی فیملی بھی ان کے ساتھ موجود تھی۔

احمد علی نے بتایا کہ ملزمان حملے بعد فرار ہونے میں کامیاب ہو گئے تاہم پولیس کی جانب سے اس حوالے سے تحقیقات کی جا رہی ہیں۔

احمدی کمیونٹی کے ترجمان سلیم الدین نے واقعے کی تصدیق کرتے ہوئے بتایا کہ حملے میں ڈاکئر علی مہدی کی فیملی محفوظ رہی۔