کوئٹہ: الیکشن ٹریبیونل بکوچستاب کے فیصلے کی روشنی میں الیکشن کمیشن آف پاکستان نے جمعیت علمائے اسلام (ف) کے رہنما مولوی آغا محمد کی قومی اسمبلی کی رکنیت ختم کردی ہے۔

بلوچستان الیکشن ٹریبیونل نے 9 ستمبر کو مولوی آغا محمد کی ڈگری کی تصدیق نہ ہونے پر انہیں نااہل قرار دیتے یوئے ان کے حلقے میں فوری طور پر دوبارہ انتخابات کا حکم دیاتھا۔

مولوی آغا محمد کی ڈگری پشتونخوا ملی عوامی پارٹی کے عیسیٰ روشان نے چیلنج کی تھی۔

مولوی آغا محمد گزشتہ انتخابات میں جمعیت علماء اسلام (فضل الرحمان) کے ٹکٹ پر این اے 261 پشین ۔ زیارت سے رکن قومی اسمبلی منتخب ہوئے تھے۔

مزید پڑھیں:رکن قومی اسمبلی مولوی آغا محمد نااہل قرار

نمائندہ ڈان ڈاٹ کام کے مطابق ڈسٹرکٹ پشین کی ایک سیشن کورٹ پہلے ہی مولوی آغا محمد کو جعلی ڈگری کیس میں نااہل قرار دے چکی تھی، جس کے بعد انھوں نے فیصلے کے خلاف ہائی کورٹ میں اپیل کی تھی۔

ذرائع نے ڈان ڈاٹ کام کو بتایا کہ مذکورہ حلقے میں دوبارہ انتخابات کا اعلان کچھ دنوں میں متوقع ہے۔