اسلام آباد: عوام سے بجلی کے بلوں کی مد میں اگست کے مہینے میں 16ارب روپے کی اضافی وصولی کی گئی۔

ڈان نیوز کے مطابق وزیر داخلہ چوہدری نثارکی شکایت کے بعد وزیراعظم نے تحقیقات کا حکم دے دیا۔

وزیراعظم کے مشیر برائے پانی وبجلی ڈاکڑ مصدق نے تحقیقاتی عمل شروع کیا تو ڈھائی کروڑ میں سے صرف ڈیڑھ لاکھ صارفین کے بلوں کی چھان بین کی گئی۔

ابتدائی تحقیقات کے مطابق وصولی کی رقم میں اضافہ کرنے غرض سے عوام پر مزید بوجھ ڈالا گیا۔

اضافی بل، صارفین کے سلیب میں جعلی طریقے سے تبدیلی اور35فی صدصارفین کو بغیر ریڈنگ کے بل بھیج کرصرف ایک ماہ میں 16ارب روپے اضافی وصول کیے گئے۔