اسلام آباد: چیف آف آرمی اسٹاف جنرل راحیل شریف نے چھ خطرناک دہشت گردوں کے ڈیتھ وارنٹ پر دستخط کردیے۔

ڈان نیوز کے مطابق ان دہشت گردوں کو آئندہ 24 سے 48 گھنٹوں کے دوران پھانسی دیے جانے کا امکان ہے۔

آئی ایس پی آر کے مطابق ان مجرموں کی فوجی عدالتیں پہلے ہی سزا سنا چکی ہیں۔

اس سے قبل گزشتہ روز پشاور سانحے کے بعد وزیراعظم نواز شریف کی جانب سے سزائے موت پر عائد پابندی اٹھالی گئی تھی۔

منگل کے روز پشاور کے آرمی پبلک اسکول میں پاکستانی طالبان کے حملے کے نتیجے میں اب تک 132 بچوں سمیت 148 افراد ہلاک ہوچکے ہیں۔