کراچی میں شدید گرمی پڑنے کے باعث لوگ بے حد پریشان ہیں اور اس گرمی سے بچنے کے لیے ہر ممکن کوشش کر رہے ہیں۔

زیرِنظر تصاویر آپ کو دنیا کے مختلف ممالک میں ہونے والے واٹر فیسٹیول سے مشابہہ لگیں گی ، لیکن درحقیقت کراچی میں کوئی واٹر فیسٹیول منعقد نہیں ہوا بلکہ شدید گرمی اور آگ برساتے سورج کی ستائی عوام نے ٹوٹی ہوئی واٹر پائپ لائن کو ہی غنیمت جانا اور خود کو ٹھنڈا رکھنے کا بھرپور اہتمام کیا، جبکہ کچھ لوگوں نے سمندر کی لہروں کا فائدہ اٹھایا۔

لوگوں کے ساتھ ساتھ جانور بھی گرمی سے نڈھال ہورہے ہیں، کراچی چڑیا گھر میں جانوروں کو گرمی سے بچانے کے لیے برف اور پانی کا انتظام کیا گیا ہے۔

گرمی کی حالیہ شدید لہر کے باعث سندھ بھر میں لُو لگنے اور پانی کی کمی کے باعث 1000 سے زائد افراد ہلاک ہوچکے ہیں جن میں سے 950 کیسز کا تعلق کراچی سے ہے۔