☰
بیٹی کی شادی کیلئے رقم نکلوانے والا شخص ڈاکوؤں کے ہاتھوں قتل
شیخوپورہ:پنجاب کے دارالحکومت لاہور سے 35 کلو میٹر دور شیخوپورہ میں بیٹی کی شادی کیلئے بینک سے رقم نکالنے والے شخص نے ڈاکوؤں نے لوٹنے کے بعد قتل کر دیا۔
ڈان نیوز کے مطابق شیخوپورہ کے تھانہ بی ڈویژن کے علاقہ کا رہائشی محمد آصف اپنی بیٹی کی شادی کے لیے نجی بینک سے ایک لاکھ روپے نکلوا کر گھر جا رہا تھا۔
محمد آصف کے گھر کے قریب پہنچنے پر 4 موٹر سائیکلوں پر سوار ڈاکوؤں نے محنت کش سے اسلحہ کی زور پر ایک لاکھ روپے نقدی چھیننے کی کوشش کی۔
اس دوران محمد آصف کی جانب سے مزاحمت کی گئی، ڈکیتی میں مزاحمت پر مسلح ڈاکوؤں نے فائرنگ کی جس سے محمد آصف ہلاک ہوگیا۔
پولیس نے مقدمہ درج کرکے تفتیش شروع کردی ہے۔
Read Comments