این ای ڈی یونیورسٹی، طالبات کیلئے بھی سائیکل ریس
یونیورسٹی نےصحت مندماحول کے فروغ کیلئے ریس کااہتمام کیا، 8کلومیٹر ٹریک پر 32 لڑکوں اور 20 لڑکیوں کے الگ الگ مقابلے ہوئے.
کراچی: پاکستان کے اعلیٰ تعلیمی ادارے این ای ڈی یونیورسٹی میں طلباء و طالبات کے لیے سائیکل ریس کا اہتمام کیا گیا۔
کراچی کی این ای ڈی یونیورسٹی میں ہونے والی سائیکل ریس میں طلبہ کے ساتھ والدین نے بھی شرکت کی۔
سائیکل ریس میں لڑکوں اور لڑکیوں کے الگ الگ مقابلے ہوئے۔
لڑکوں کے مقابلوں میں 32 جبکہ لڑکیوں کے مقابلوں میں 20 طلبہ نے حصہ لیا۔
سائیکل ریس کے لیے ٹریک کی طوالت 8 کلو میٹر مخصوص کی گئی تھی ، ٹریک یونیورسٹی کے اندر ہی موجود سڑکوں پر مشتمل تھا
ریس کے فاتح کے لیے 10 ہزار روپے، دوسری پوزیشن حاصل کرنے والے کیے لیے 5 ہزار روپے جبکہ تیسری پوزیشن حاصل کرنے والے کے لیے 2500 روپے انعام رکھا گیا تھا۔
یونیورسٹی انتظامیہ کا کہنا تھا سائیکل ریس کا مقصد صحت مندماحول کے فروغ کی کوشش کرنا تھا.