مادی چیزیں خریدنے سے بھی خوشی کا احساس ممکن: تحقیق
شاپنگ کے شوقین افراد کے لیے اچھی خبر یہ ہے کہ ایک حالیہ مطالعے میں یہ بات سامنے آئی ہے کہ مادی چیزوں کو خریدنے سے بھی خوشی حاصل ہوسکتی ہے۔
سوسائٹی پرسنیلٹی اینڈ سوشل سائیکالوجی کے محقیقین نے بتایا کہ سوئٹر یا اسکیٹ بورڈ یا ایسی چیز جو آپ کے کام آسکے، کو خریدنے سے وقتاً فوقتاً خوشی کا احساس ہوتا رہتا ہے۔
اس کے برعکس کسی جگہ جانے جیسے کے چڑیا گھر کا دورہ کرنے سے آپ کو ایک ساتھ زیادہ خوشی کا احساس ہوتا ہے تاہم یہ احساس اس دورے کے ساتھ ہی ختم ہوجاتا ہے۔
ریسرچر ویڈمین نے کہا کہ زندگی میں کوئی نیا تجربہ حاصل کیا جائے یا پھر کچھ خریدا جائے اس بات کا فیصلہ اس بات پر منحصر ہے کہ آپ کس طرح کی خوشی چاہتے ہیں۔
انہوں نے وضاحت کرتے ہوئے کہا کہ مثال کے طور پر آپ کچھ خریدنے کا فیصلہ کرتے ہیں اور آپ کے پاس ایک کنسرٹ میں شرکت کرنے یا پھر اپنے ٹی وی لاؤنج کے لیے نیا صوفہ خریدنے کا آپشن ہے۔
کنسرٹ پر جانے سے آپ کو بے انتہا تھرل ملے گا تاہم یہ جلد ہی ختم ہوجائے گا اور یہ ایک اچھی یاد بن کر رہ جائے گا۔
دوسری جانب صوفہ خریدنے سے ہر مرتبہ اس پر بیٹھنے کا احساس آپ کو خوشی دے گا، اس سے کنسرٹ جیسی تھرل تو نہیں ملے گی تاہم یہ خوشی وقتاً فوقتاً حاصل ہوتی رہے گی۔