قندھار: جنوبی افغانستان میں سڑک کنارے بم پھٹنے سے منگنی کی تقریب میں جانے والی آٹھ خواتین اور ایک بچہ ہلاک ہو گیا۔
قندھار کے پولیس سربراہ گوہرزنگ آفریدی نے اے ایف پی کو بتایا کہ منگل کی صبح ایک سویلین کار سڑک کنارے نصب بم کی زد میں آنے سے آٹھ خواتین اور ایک بچہ ہلاک جبکہ کار کا ڈرائیور اور دو دیگر افراد زخمی ہو گئے۔
گوہر زنگ کے مطابق، ہلاک ہونے والے تمام افراد کا تعلق ایک ہی خاندان سے تھا اور وہ سب اپنے بیٹے کی منگنی کی تقریب کے لیے دلہن کے گھر جا رہے تھے۔
