ویڈیوز کو اینیمیٹڈ تصویر میں اب بہت آسان
کیا آپ کو اینیمیٹڈ تصاویر پسند ہیں اور اپنی کسی بھی ویڈیو کو اس میں بدلنا چاہتے ہیں ؟ تو گوگل ہے ناں۔
جی ہاں گوگل نے اپنی ایپ فوٹو کو سرچ ٹیکنالوجی اور بلٹ ان اسسٹنٹ کی مدد سے لوگوں کی اپ لوڈ تصاویر کو آٹو میٹک طور پر کولاج، اینیمیشن اور دیگر میں بدلنے کی سہولت فراہم کررکھی ہے اور اب اس میں ایک زبردست اضافہ کیا گیا ہے۔
گوگل نے اس میں نئے فیچرز کا اضافہ کیا ہے جس کی بدولت آپ ویڈیوز میں سے اپنی پسند کے مناظر کو جی آئی ایف میں بدل سکتے ہیں۔
گوگل کے مطابق یہ ایپ میشن لرننگ ٹیکنالوجی کو استعمال کرکے آپ کی ویڈیو کو اینیمیٹڈ تصویر مین بدل سکتی ہے جسے دوستوں، رشتے داروں یا فیس بک وغیرہ پر شیئر کیا جاسکتا ہے۔
اس کے علاوہ گوگل نے دو مزید نئے فیچرز بھی متعارف کرائے ہیں جن کی مدد سے گو بیک اور کچھ عرصے پہلے کی تصاویر کو دیکھنا آسان ہوجائے گا۔
ایک نئے کارڈ کی مدد سے آپ پرانی تصاویر کو دریافت کرسکیں گے۔
اسی طرح دوسرے فیچرز سے حالیہ تصاویر کے ہائی لائٹس کو دیکھنے میں مدد ملے گی اور یہ ایپ خودکار طور پر فوٹو البم آپ کے لیے تیار کردے گی۔
یہ نئے فیچرز اب گوگل فوٹو کے اینڈرائیڈ، آئی او ایس اور ویب تینوں ورژن پر دستیاب ہیں جس سے آپ اپنی تصاویر اور ویڈیوز کو نئے رنگ میں بدل سکتے ہیں۔