☰
کراچی کے کیمیکل گودام میں آتشزدگی
صوبہ سندھ کے دارالحکومت کراچی میں آتشزدگی کے دو مختلف واقعات میں کیمیکل اور پلاسٹ گودام جل کر خاکستر ہوگئے۔
ڈان نیوز کے مطابق کراچی کے علاقے لائٹ ہاؤس کے قریب کیمیکل گودام میں آگ لگی جس پر فائر بریگیڈ کی متعدد گاڑیاں نے کئی گھنٹوں کی کوششوں کے بعد قابو پالیا۔
آگ لگنے کی وجہ سے لائٹ ہاؤس کے اطراف کئی دکانوں اور مکانات میں لوگ محصور ہوکر رہ گئے بعد ازاں مکانات میں دھواں بھر جانے کے باعث مکینوں کو گھروں سے نکال کر محفوظ مقام پر منتقل کیا گیا۔
کیمیکل گودام میں لگنے والی آگ نے قریبی عمارتوں کو بھی لپیٹ میں لے لیا۔
اس سے قبل سائٹ ایریا میں بھی صبح سویرے گارمنٹس فیکٹری میں لگنے والی آگ سے لاکھوں روپے مالیت کا کپڑا جل کر راکھ ہوگیا تھا۔
تاہم دونوں واقعات میں کوئی جانی نقصان نہیں ہوا۔
Read Comments