☰
تنقید کرنا ہمارا فرض ہے!
2016 میں پاکستان کی کئی نامور شخصیات نے شادی کرکے زندگی کے نئے سفر کا آغاز کیا، ان میں سے کئی کی شادیوں پر خبریں بھی ذرائع ابلاغ کی شہہ سرخیوں کا حصہ بنیں لیکن 2 ایسی شادیاں تھیں، جو سب سے زیادہ توجہ کا مرکز بنیں۔
میڈیا کی زیادہ توجہ حاصل کرنے والی پہلی شادی اداکارہ عروہ حسین اور فرحان سعید کی تھی، اس شادی میں پورے پاکستان کی تمام مقبول شخصیات نے شرکت کی، نہایت شاندار اور مہنگے ملبوسات کی رونمائی کی گئی، ڈانس سے شادی کی رونق میں مزید اضافہ کیا گیا، اس شادی میں متعدد ڈھولکیاں رکھ کر تقریبات کو یادگار بنانے کی کوشش کی گئی، سوشل میڈیا کو تصاویر سے بھر دیا گیا، دلہا اور دلہن کے عروسی جوڑے مہنگے ترین ڈیزائنرز نے بنائے اور نہ جانے کیا کیا، جس کا میں اور آپ تصور بھی نہیں کرسکتے۔