☰
برطانیہ: دنیا کا محفوظ ترین اور منفرد سکہ بنانے کا دعویٰ
لندن: برطانیہ نے یورپی یونین سے انخلاء کا عمل شروع کرنے کے موقع پر ایک پاؤنڈ کا نیا منفرد سکہ جاری کرتے ہوئے دعویٰ کیا ہے کہ اس کا جعلی سکہ نہیں بنایا جاسکتا۔
یورپی یونین سے علیحدہ ہونے کا عمل 29 مارچ سے شروع ہو رہا ہے، اس موقع پر برطانوی حکومت نے ایک ایسا سکہ جاری کیا ہے، جس کی ایک سائیڈ پر ملکہ برطانیہ اور دوسری سائیڈ پر برطانیہ کی چاروں ریاستوں یعنی اسکاٹ لینڈ، شمالی آئرلینڈ، ویلز اور انگلینڈ کی علامتیں کنندہ ہیں۔
غیر ملکی خبر رساں ادرے’اے پی‘ کے مطابق وزارت خزانہ نے نیا سکہ جاری کرتے ہوئے دعویٰ کیا کہ ایک پاؤنڈ کا سکہ دنیا کا محفوظ ترین سکہ ہے اور اس کا جعلی سکہ تیار نہیں کیا جاسکتا۔