دنیا بھر میں سال نو کو خوش آمدید کہنے کے لیے خصوصی تیاریاں کی گئی تھیں، پاکستان سمیت دنیا کے تقریبا تمام ممالک میں شاندار آتش بازی کے اہتمام سمیت دیگر تقریبات کا انعقاد کیا گیا۔

پاکستان میں سال 2017 کا آخری سورج غروب ہوتے ہیں، دنیا میں سال نو کا آغاز ہوا۔

سالِ نو کا آغاز برِاعظم آسٹریلیا سے ہوتا ہے، جہاں سب سے پہلے نیوزیلینڈ میں تقریبات کا آغاز ہوا۔

نیوزیلینڈ، آسٹریلیا، جاپان، کوریا، ملائشیا، برطانیہ، جرمنی، فرانس اور امریکہ سمیت دنیا کے کئی ممالک میں سال نو کے حوالے سے خصوصی آتش بازی کا اہتمام بھی کیا گیا۔

کئی ممالک نے ہر سال کی طرح اس سال بھی اپنے ثقافتی اقدار کو مدِ نظر رکھتے ہوئے 2018 کو خوش آمدید کہنے کی تیاریاں کیں۔