پورشے 718 کیمین کو آزمانے کی اصل جگہ ہے ریس ٹریک
پورشے پر جی ٹی ایس کا مطلب کمپنی کی بنائی ہوئی ایک سب سے زیادہ اسپورٹی گاڑی ہے.
718 بوکسٹر اور کیمین ماڈل سریز تو ابتدا سے ہی اسپورٹی تھے. پورشے 718 کیمین جی ٹی ایس گاڑی بھی اس میں شامل ہے، اس کار کا مطلب ہے اعلیٰ کارکردگی، بہترین سسپینشن اور ڈرائیونگ میں زبردست لطف دینے والی ایک گاڑی۔
اس گاڑی کو آزمانے کی بہترین جگہ ریس ٹریک ہے، اسی لیے کار ٹیسٹر کلاس آج اندلس کے اسکری ریس ریزورٹ آئے ہیں۔
آئیے دیکھتے ہیں کہ جی ٹی ایس کیا کچھ کر سکتی ہے۔
ریس ٹریک پر یہ گاڑی کیا کمال دکھا سکتی ہے؟
کار ٹیسٹر کلاس بتاتے ہیں کہ گاڑیوں کے شوقین جو توقع کر رہے تھے کہ نئی کیمین جی ٹی ایس میں 6 سلینڈر انجن کی واپسی ہوگی، انہیں یہ سن کر تھوڑا افسوس ہوگا کہ پورشے نے اس 718 میں 2.5 لیٹر فلیٹ فور انجن ہی نصب کیا ہے۔
لیکن وہ اس کی وہی خاصیت بھی بتاتے ہیں کہ جو پورشے کے دیگر جی ٹی ایس ماڈلز میں نظر آتی ہے، وہ کہتے ہیں کہ بہترین کارکردگی، نئی خصوصیات کی بھرمار اور آپشنل ایکسٹراز کی ایک طویل فہرست میں شامل تقریباً ہر قسم کا ڈرائیور اسسٹ موجود ہے۔