بہترین کارکردگی اور نفاست کا نام آڈی ایوانٹ آر ایس-4
آر ایس (RS) بیچ گاڑی آڈی کی آر ایس-4 ایوانٹ ہائی پرفارمنس ماڈلز میں سے ایک شمار ہوتی ہے، کار ٹیسٹر ایمینل شیفر نے گاڑی میں کی گئی چند جدید تبدیلیوں پر نظر ڈالی۔
ایوانٹ آر ایس 4 میں جدید کیا ہے؟
ایمینل شیفر کہتے ہیں کہ ایک اسٹیشن ویگن میں عملی پن اور فعالیت جیسی چیزیں اہمیت رکھتی ہیں مگر اس بار ایسا نہیں ہے، کیونکہ آر ایس 4 میں جو چیز سب سے اہمیت کی حامل ہے، وہ گاڑی کی پرفارمنس اور پرلطف ڈرائیونگ ہے۔
ان کے مطابق اسٹیشن ویگن کے اسپورٹس ورژن میں ایک پرانی اور کامیاب تاریخ کی جھلک نظر آتی ہے، آر ایس-4 کا سفر شاندار ایوانٹ آر ایس-2 سے شروع ہوا تھا۔
شیفر نے بتایا کہ پہلی جنریشن کو 6 سلنڈرز انجن کی طاقت حاصل تھی، اور پھر سیکنڈ اور تھرڈ جنریشن میں 8 سلنڈرز انجن لگایا گیا، مگر اب چونکہ سائز چھوٹا کرنے کا چلن ہے لہٰذا اس لیے فورتھ جنریشن کو ایک بار پھر وی-6 انجن سے لیس کیا گیا ہے، اس کا 330 کلو واٹ یا 450 ہارس پاور والا ٹوئن ٹربو انجن 600 نیوٹن میٹر کا ٹارک دیتا ہے، جو گاڑی کو ایک تیز رفتار کار بنانے کے لیے کافی ہے۔