ہر گزرتے دن کے ساتھ گرمی کی شدت میں اضافہ ہورہا ہے، اب ایسے موسم میں گرم چائے یا کافی کے بجائے ہر کوئی ٹھنڈے مشروبات کو پینا زیادہ پسند کرتا ہے۔

اس گرمی میں تپتی دھوم سے گھر آنے والے شخص کے سامنے چائے پیش کی جائے تا کوئی ٹھنڈا شربت تو اس کا ہاتھ ٹھنڈے شربت کی طرف ہی بڑھے گا۔

لیکن اس موسم میں پیکٹ کے ٹھنڈے مشروبات یا کولڈ ڈرنکس پینے کے بجائے اپنے گھر میں تازے مشروبات تیار کریں، جس سے صحت پر بھی کوئی بُرا اثر نہ ہو، وزن بھی نہ بڑھے اور تازگی کا احساس بھی ہو۔

یہ تو آپ بھی جانتے ہیں کہ بازار کے بنے یا پیکٹ والے شربت وزن میں تیزی سے اضافہ کرتے ہیں، لیکن یہاں ہم ایک شربت بنانے کی ایسی آسان ترکیب بتارہے ہیں، جس کو ایک بار پینے کے بعد آپ کا دل بار بار اس کو پینے کا چاہے گا۔

اجزاء:

پانی - حسب ضرورت

تخم ملنگا - ایک کھانے کا چمچ

گڑ - 250 گرام پسا ہوا

لیمو کا رس - 4 کھانے کے چمچ

برف

ترکیب:

پانی میں تخم ملنگا ڈال کر مکس کریں اور 10 سے 15 منٹ کے لیے اس میں چھوڑ دیں۔

جگ میں گڑ اور پانی ڈال کر اچھی طرح مکس کریں اور گڑ اچھی طرح پگھلا جانے تک اسے الگ رکھ دیں۔

بعد میں اس جگ میں تخم ملنگا اور لیمو کا رس ڈال کر اچھی طرح مکس کرلیں۔

گلاس میں برف ڈال کر یہ شربت اس میں نکالیں اور ٹھنڈا ٹھنڈا پیش کریں۔