☰
پاکستان ویمن کرکٹ ٹیم نے ویسٹ انڈیز کو دوسرے میچ میں شکست دے دی
پاکستان کی ویمن کرکٹ ٹیم نے آئی سی سی ویمنز چمپیئن شپ کے دوسرے میچ میں ویسٹ انڈیز کو 34 رنز سے شکست دے کر سیریز 1-1 سے برابر کردی۔
بسمہ معروف نے ٹاس جیت کر دبئی کے انٹرنیشنل اسٹیڈیم میں پہلے خود بیٹنگ کا فیصلہ کیا تو سدرا امین نے شاندار بلےبازی کا مظاہرہ کرکے کپتان کے فیصلے کو درست ثابت کردیا حالانکہ ناہیدہ خان 15 کے مجموعے پر ہی آؤٹ ہوگئی تھیں۔
جویریہ خان نے صرف 5 اور کپتان بسمہ معروف 8 رنز بنا کر پویلین لوٹیں تو پاکستانی ٹیم کو بڑا اسکور مشکل دکھائی دے رہا تھا لیکن ندا ڈار نے سدرہ امین کے ساتھ مل کر 102 رنز کا اضافہ کرکے پاکستان کو ایک اچھی پوزیشن پر لاکھڑا کیا۔