☰
اسپین کے فٹ بالر کارلیس پیول کی پاکستان آمد
اسپین کے سابق معروف فٹ بالر کارلیس پیول فٹ بال کھیل کی تشہیر اور پاکستان میں رواں برس منعقد ہونے والے ورلڈ سوکر اسٹارز 2019 کے ٹکٹس کی فروخت کا افتتاح کرنے کے سلسلے میں پاکستان پہنچ گئے۔
اسپین کی قومی ٹیم اور فٹ بال کلب ’بارسلونا‘ میں کھیلنے والے کارلیس پیول گزشتہ برس بھی پاکستان آئے تھے۔
کارلیس پیول رواں برس ’ٹچ اسکائے گروپ‘ کی جانب سے منعقد ہونے والے ’ورلڈ سوکر اسٹارز 2019‘ میں ایکشن میں دکھائی دیں گے۔
’ورلڈ سوکر اسٹارز 2019 ‘ کا انعقاد آئندہ ماہ اپریل میں ہوگا۔
ایونٹ کے تحت 27 اور 28 اپریل کے دوران کراچی اور لاہور میں 2 میچز کا انعقاد کیا جائے گا۔
یہ بھی پڑھیں: کراچی میں شاندار استقبال پر کاکا اور فیگو شکر گزار
ایونٹ میں کارلیس پیول کے علاوہ پرتگال کے لیوس فیگو، برازیلین سپر اسٹار کاکا، مرکیورل فرینچ مین اور نکولس الینکا سمیت دیگر کھلاڑی شرکت کریں گے۔