ساتھ ہی عبداللہ سیجا نے شکایت کی کہ عائزہ خان کو بھی ’کوئی چاند رکھ‘ جیسے ڈرامے میں شاندار اداکاری کے باوجود نظر انداز کیا گیا۔
انہوں اریبہ حبیب اور صحیفہ جبار کو بھی نامزد نہ کرنے پر مایوسی کا اظہار کیا۔
ڈائریکٹر احسان رحیم نے لکس ایوارڈز میں فلم ’طیفا ان ٹربل‘ کی ایک سے زائد نامزدگیوں پر بھی اعتراض کیا۔
اداکار ہمایوں سعید نے بڑے دل کا مظاہرہ کرتے ہوئے لکس ایوارڈز میں نامزد ہونے والی شخصیات کو مبارک پیش کی اور بتایا کہ اگرچہ انہیں نامزد نہیں کیا گیا، تاہم وہ سمجھتے ہیں کہ ان کی فلم ’جوانی پھر نہیں آنی 2‘ میں احمد علی بٹ سے زیادہ اچھی اداکاری کسی اور نے نہیں کی۔
احمد علی بٹ کو اسی فلم میں بہترین اداکاری کرنے پر بہترین اداکار کے طور پر نامزد کیا گیا ہے۔