انگلینڈ نے ورلڈ کپ 2019 کے افتتاحی میچ میں جنوبی افریقہ کو باآسانی 104رنز سے شکست دے دی۔

انگلینڈ نے بین اسٹوکس کے 89رنز سمیت جو روٹ، جیسن روئے اور کپتان آئن مورگن کی نصف سنچریوں کی بدولت 311 رنز کا مجموعہ اسکور بورڈ پر سجایا۔

جواب میں کوئنٹن ڈی کوک اور وین ڈر ڈوسن کی نصف سنچریوں کے باوجود پوری جنوبی افریقی ٹیم 207رنز پر ڈھیر ہو گئی۔

بین اسٹوکس کو عمدہ بیٹنگ کے بعد شاندار فیلڈنگ اور دو وکٹیں لینے پر میچ کا بہترین کھلاڑی قرار دیا گیا۔