چین کی جانب سے مجرمان کی حوالگی سے متعلق بل کا مجوزہ پیش کیے جانے کے خلاف ہانگ کانگ میں پرتشدد واقعات کا سلسلہ جاری ہے۔

واضح رہے کہ مجوزہ بل کے تحت ہانک کانگ کے باشندوں کا ٹرائل چین کے اندر بھی ہوسکے گا۔

مذکورہ بل کے خلاف ہانگ کانگ کے شہریوں نے اس کے خلاف احتجاج شروع کردیے تھے جو دیکھتے ہی دیکھتے ہنگامہ آرائی اور پُرتشدد واقعات میں تبدیل ہوگئے۔

اب تک ان واقعات میں ہزاروں کی تعداد میں لوگ زخمی ہوچکے ہیں جبکہ ہانگ کانگ کو املاک کی توڑ پھوڑ سمیت بھاری مالیت کا نقصان بھی اٹھانا پڑا۔