☰
یہ عثمان اور کومل کا کیا چکر ہے؟
سوشل میڈیا کے اس دور میں کب، کون، کس وجہ سے ہیرو بن جائے اس کی کوئی گارنٹی نہیں دے سکتا۔
ایسا ہی کچھ قصہ پاکستان میں بھی گزشتہ 2 دن تک سوشل میڈیا پر جاری رہا اور ٹوئٹر استعمال کرنے والے لوگ ’عثمان‘ کا ٹرینڈ ٹاپ میں دیکھ کر حیران رہ گئے۔
دو دن قبل 12 اکتوبر سے ٹوئٹر پر اچانک شروع ہونے والا ’عثمان‘ کا ٹرینڈ 13 اکتوبر تک پاکستان کے 5 بڑے ٹرینڈز میں شامل رہا اور کئی لوگ اس بات سے بے خبر رہے کہ یہ ٹرینڈ والا ’عثمان‘ کون ہے۔
ایک موقع پر ’عثمان‘ کے ٹرینڈ میں 8 ہزار سے زائد ٹوئٹس ہوگئیں اور کئی لوگ اس ٹرینڈ کو دیکھنے اور سمجھنے میں پر مجبور ہوئے، تاہم پھر بھی کئی لوگوں کو ابھی تک یہ معلوم نہیں چل پا رہا کہ آخر ’یہ عثمان اور کومل کا کیا چکر ہے؟'